Estado actual no invernadoiro

Despois destes días de inestabilidade metereolóxica, tras choivas, tormentas e días de sol, éste é o estado actual da nosa horta escolar.

Hai que salientar que, por agora, non baixamos a regar! O que veredes a continuación é resultado da nai natureza, despois de nós plantar semanas antes!

OS VISITANTES

O C.E.I.P. Plurilingüe de Tirán está enclavado nun lugar maravilloso, alonxado do bullicio da vila e preto do Monte dos Remedios, polo que estamos rodeados de natureza e cunha paisaxe fermosa. A miúdo recibimos visitas de orixe animal no noso centro: cans e gatos do vecindario que acompañan ou simplemente veñen saudar, gaivotas e corvos en busca de posibles restos de merendas, e outros.

Durante este curso escolar avistamos, máis dunha vez, e de dúas, e de tres... a dous coellos que vencen a súa timidez, entran no noso recinto escolar e se aproximan bastante ós edificios de infantil e primaria. Estas visitas contínuas motivaron o peche do perímetro do noso horto escolar para salvagardar todo o que alí estamos prantando. Cómo o protexemos? pois coa rede e cuns paus que de forma desinteresada nos regalou o avó dunha nena do noso centro. MOITAS GRAZAS.

A ver qué vos parece a solución!

Y... SEREIS CAPACES DE VER A NUESTROS VISITANTES EN LAS SIGUIENTES FOTOS??

A VER CÓMO ESTÁ VUESTRA DESTREZA VISUAL!!

Paso nº4 PLANTAR

Por fin comezamos a PLANTAR.

Estes días, e de forma intermitente cando o tempo o permite, os mestres/as especialistas e mailos titores/as, xunto co seu alumnado, baixarán ó noso HORTO ESCOLAR a trasplantar as semillas de hortalizas e legumes que previamente plantamos nos semilleiros nas aulas.

Hoxe mércores comezaron varios nenos a PLANTAR acompañados do mestre Marcos. O que fixeron foi: mover e aplanar un pouco a terra, facer un buraco na mesma, sacar do semilleiro a planta e poñela nese oco, e taparlle o pé. Non fixo falta regar, comezou a chover e tivemos que saír de alí correndo!

Unha experiencia máis!

Paso nº3 TRABALLAR A TERRA

Para poder trasplantar as nosas legumes e hortalizas ó invernadoiro, necesitamos previamente TRABALLAR A TERRA (paso nº3). Para iso, e grazas a colaboración do concello, viñeron cortar as herbas que medraban no espazo adicado ó noso horto escolar, e despois a REMOVER e AIREAR a terra, accións moi importantes antes de plantar!

Vista do invernadoiro dende a biblioteca escolar.

Estes días decidimos non cubrir o noso invernadoiro porque o fin de curso está próximo e tamén para evitar actos vandálicos sobre o mesmo. Polo tanto, falaremos de HORTO ESCOLAR.

Ainda que non lle poñamos o plástico que o recubre, teremos que cerrar o perímetro do mesmo cunha maia ou rede para evitar que dous intrusos nos coman o plantado, dous coellos que estes días se deixan ver polo noso patio en busca de alimento. E ti, xa os viches?

En breves comezaremos a plantar no HORTO ESCOLAR.

Paso nº2 REGAR-MEDRAR

Como vos comentábamos no paso nº1, cada curso cos seus titores/as e nas aulas dos especialistas do centro, plantábamos nos semilleiros diferentes variedades.

Agora, o paso nº2 foi REGAR nos semilleiros cada poucos días, tentando que a terra estivera algo húmeda pero sen pasarnos de auga para que as semillas non pudran, e esperando a que, coa calor das aulas e os mimos dos nenos/as, as semillas MEDRASEN.

Aquí tendes un avance do que está a ocorrer nas aulas do colexio de Tirán!

Agora só nos queda volver a crear o noso INVERNADOIRO, partindo de cero, como ben sabedes polos casos de vandalismo sufridos o pasado ano, e TRASPLANTAR as nosas sementes ó invernadoiro, tendo así o noso HORTO ESCOLAR que haberá que coidar e regar a cotío.

Paso nº1 SEMENTAR

Xa comezamos a semana pasada a plantar no noso colexio!

Este ano, a novidade é que intentaremos ver todo o proceso; cómo dunha semilla chegaremos á planta que nos dará o fruto (hortalizas, legumes,...), así como diversas e variadas flores!

O 1º paso foi SEMENTAR.

Cada curso e cada especialista nas súas aulas tomaron un semilleiro, terra, semillas e auga, e plantaron cos nenos/as.

  

Algúns titores/as, coa finalidade de mostrarlle ós nenos/as cómo vai saíndo o tallo e a raíz da semente, meteron nun plástico transparente un pano de cociña húmido e dentro as semillas para que, co paso dos días, éstas germinen!

Charla no colexio

Hoxe, xoves 14 de abril, tivemos a visita do Seprona que nos veu falar da prevención dos incendios forestais. Preténdese concienciar ós nenos/as da importancia de coidar o chan, así como as recomendacións e coidados que deberíamos ter para evitar os incendios forestais que perxudican a nosa contorna e todo o que isto abarca.

Esta charla impartida só para Primaria, está no marco do programa Voz Natura na que se implica a toda a comunidade escolar de Galicia na recuperación e na defensa da Natureza, e na que colabora a Garda Civil da zona.

UNHA NOVA EDICIÓN...

Novamente retomamos, un ano máis, o noso compromiso coa natureza e co desenvolvemento do proxecto VOZ NATURA, que levamos a cabo todo o centro escolar en colaboración coa Fundación Santiago Rey Fernández-Latorre.

Nesta nova edición, ademáis de destacar a importancia do noso SOLO, e coñecer máis de preto as PRANTAS INVASORAS que temos preto de nós, intentaremos, un ano máis, e tras os atrancos sufridos o curso pasado cos variados casos de vandalismo no noso centro escolar, levar a cabo o traballo no noso INVERNADOIRO, a ver si de esta vez conseguimos que os nenos e nenas do CEIP Plurilíngüe Tirán coñezan e poidan disfrutar de todo o proceso, dende sementar en pequenos sementeiros, ata trasplantar, regar, e recoller todo o sembrado.

Nos próximos días iremos colgando máis información!

OBRA DE TEATRO

O venres 18 de decembro, antes de marchar de vacacións de Nadal, as nenas e nenos da aula de 5 anos interpretaron unha pequena obra de teatro onde se traballou previamente as árbores de folla caduca e perenne, ademáis dun traballo anterior de expresión oral e de recursos plásticos.

A obra titulada "Por qué o abeto, o piñeiro e a aciñeira conservan as súas follas?" tívose que facer en dous turnos para darlle a posibilidade de participar á totalidade de alumnos/as da aula.

Días previos na aula:

Ensaios no ximnasio do colexio.

A obra en si foi exposta o último día de clase do primerio trimestre ante o alumnado do noso colexio tamén en dous turnos e recollidos, os dous pases, en vídeo.